Филиппин ҳудудида ИШИДнинг тахминан 1,2 минг аъзоси жанг қилмоқда. Бу ҳақда Индонезия мудофаа вазири Рямизарда Рякуду маълум қилди, деб хабар берди «Интерфакс».
«Менга Филиппинда ИШИДнинг 1200 та одами борлигини билдиришди. Улардан 40 нафари Индонезияда туғилиб-ўсган», — деди вазир Сингапурдаги Осиё хавфсизлик саммитидаги чиқиши чоғида.
Ўз навбатида, Филиппин мудофаа вазири ўринбосари Рикардо Дэвид Индонезия томони келтирган рақамлар унинг учун янгилик эканлигини билдирди.
Филиппин расмийлари мамлакат ҳудудида ИШИДнинг бир неча баробар кам — 250 дан 400 нафаргача террорчиси жанг қилаётган, деб ҳисобларди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)