NATO AQShning tashqi siyosiy quroli va bu tuzilmada faqat qaram davlatlar bor. Bu haqda Rossiya prezidenti Vladimir Putin amerikalik rejissor Oliver Stounga bergan intervyusida ma’lum qildi, deb xabar beradi “Gazeta.ru”.
“Bugungi kunda NATO AQShning tashqi siyosat quroli. U yerda ittifoqdoshlar yo‘q, faqat vassallar bor. Mamlakat tuzilmaga a’zo bo‘lganidan so‘ng uning yetakchisi bo‘lgan AQSh tomonidan bosimga qarshilik qilishi juda qiyin. U yerda istalgan narsa paydo bo‘lishi mumkin: raketaga qarshi mudofaa tizimlari, yangi bazalar, kerak bo‘lsa, yangi zarba komplekslari ham”, — ta’kidladi Rossiya prezidenti.
Putinga ko‘ra, Rossiya buni hisobga olgan holda zarur qarshi choralar ko‘rayotgan bo‘lsa ham, “vaziyat taranglikda tutib turibdi”.
Oldinroq Putin AQSh sobiq prezidenti Bill Klintonga Rossiyaning NATOga a’zo bo‘lish imkoniyatini ko‘rib chiqishni taklif etganini ma’lum qilgandi.
Izoh (0)