Ozod Hamidxo‘jayev “O‘zbekiston 24” telekanali rahbari etib tayinlandi. Bu haqda, Milliy teleradiokompaniyaga asoslanib, UZ24 xabar berdi.
Hamidxo‘jayev bungacha “O‘zbekiston” telekanalining “Axborot” informatsion dasturi bosh muharriri lavozimida ishlagan.
Rahim Mahkamov va Haydar Hasanov direktor o‘rinbosari etib tayinlandi.
Telekanalning efirga chiqish sanasi hozircha noma’lum. Bir qator OAVda telekanal faoliyati 27-iyundan boshlanishi ma’lum qilingandi. Biroq MTRK tahririyati bu xabarni tasdiqlamadi. Ayni paytda bir qancha tashkiliy masalalar hal etilmoqda va yaqin vaqt ichida matbuot uchun rasmiy ma’lumot e’lon qilinadi, deya ta’kidladi kompaniya.
Izoh (0)