O‘zbekiston Prezidenti Shavkat Mirziyoyev qarori bilan Toshkent shahridagi kichik sanoat zonalari Kafolat fondi tashkil etildi. Bu haqda UzDaily xabar bermoqda.
Kafolat fondi O‘zbekiston tiklanish va taraqqiyot fondining 50 million dollar miqdoridagi bir martalik badali, xalqaro moliyaviy institutlar, chet el davlat tashkilotlari va donorlar ulushi, shuningdek, kafillik taqdim etish, fond erkin qoldiqlarini investitsiya qilish va boshqa man etilmagan daromadlar hisobiga shakllantiriladi.
Fond kichik sanoat zonalari qatnashchilariga tijorat banklari kreditlarining garov bilan qoplanmagan qismiga kafillik taqdim etishi ko‘zda tutilgan.
Kafillik ta’minoti ishlab chiqarilayotgan mahsulotning mahalliylashtirish darajasi yil davomida kamida 60 foiz, eksport hajmi esa 10 foizni tashkil etgan taqdirda taqdim etiladi.
Izoh (0)