Janubiy Qozog‘iston viloyatida Ramazon oyi munosabati bilan bepul taksi xizmat ko‘satishni boshladi. Bu haqda, “Kazinform” agentligiga tayanib, “1news.uz” xabar berdi.
27-may, shanba kuni ertalab O‘tror tumanida to‘rtta taksi mashinasi yo‘lovchilarni manziliga bepul eltib qo‘yishni boshlagani bildirilmoqda.
“Bugundan O‘trorda Ramazon oyi munosabati bilan tushgacha ‘Bepul taksi’ xizmat ko‘rsatishni boshladi. Xayrli ishda qatnashish va aksiyaga qo‘shilish istagida bo‘lganlarni tashkilotchilar ‘Arslonbob’ masjidiga murojaat etishlarini so‘raydi”, — deyiladi mahalliy fuqaro Yerkeg‘ali Tanatarovning Facebook’dagi sahifasida qoldirilgan xabarda.
Ijtimoiy tarmoqlarda tarqalgan fotolarga ko‘ra, tashabbus masjidga tegishli. Mashinalarda “‘Arslonbob’ masjidining yoshlar ishlari bo‘yicha vakilligi” degan yozuvni ko‘rish mumkin.
Izoh (0)