Xitoyning Tyanszin shahri jamoat xavfsizligi boshqarmasi sobiq rahbari U Chanshun o‘lim jazosi va mol-mulkini musodara etishga hukm qilindi. Bu haqda “Vesti.ru” xabar berdi.
Hukm ijrosi ikki yilga qoldirildi, biroq yengillashtirilishi mumkin emas.
U Chanshun davlatning salkam 50 million dollar mablag‘ini o‘zlashtirganligi va 2,3 million dollar pora olgani uchun shunday jazoga loyiq ko‘rildi.
Sud sobiq mansabdor tergovda aybiga iqror bo‘lgani va boshqa jinoyatlarni ochishga ko‘mak berganini hisobga olgani bildirilmoqda.
Izoh (0)