2017-yilning 27-may kuni “O‘zekspomarkaz”dagi ITC biznes markazining anjumanlar zalida 4P lohiyasi dorasida “Marketingdagi kommunikatsiya” mavzuida konferensiya bo‘lib o‘tdi. Anjumanda kommunikatsiyaning marketologlar hamda boshqa kasb egalari faoliyatidagi roli va ahamiyati haqida so‘z bordi. Tadbir Milliy marketing markazi ko‘magida Oqlivy PR xalqaro agentliklar tarmog‘ining Toshkentdagi Tayniy Sovetnik — OgilvyPR ofisi tomonidan o‘tkazildi.
Konferensiyaning asosiy maqsadlari marketing sohasidagi mutaxassislarning professional darajasini oshirish imkonini beruvchi tadbirlar va faoliyatlarni tashkil qilish, marketing sohasidagi jahon tendensiyalari haqida bilimlar olinishini ta’minlash, zamonaviy bozor talablariga javob beruvchi kuchli mutaxassislar o‘sishini ta’minlovchi professional maydonlarni yaratishdan iborat.
Shuningdek, anjuman O‘zbekiston Prezidenti tomonidan tatbiq etilgan Harakatlar strategiyasini beshta bosqich bo‘yicha amalga oshirishda muhim qadam hisoblanadi.
Anjumanda spiker sifatida Farhod Niyozov (Carlsberg Group kompaniyasining xodimlar bo‘yicha ichki aloqalarni ta’minlash bo‘limi boshlig‘i), Oraz Abdurazzoqov (Beeline Uzbekistan’ning kommunikatsiya va tashqi aloqalar bo‘yicha direktori), Aynura Umayeva (Tayniy Sovetnik-Ogilvy PR kompaniyasining boshqaruvchi hamkori), Diyor Ahmedov (Milliy marketing markazi boshqaruvi raisi) ishtirok etdi.
Anjumanda Farhod Niyozov o‘zining ichki kommunikatsiyaga oid videotaqdimotini onlayn ravishda taqdim etdi va anjuman ishtirokchilarning marketing borasidagi turli savollariga javob berdi.
Undan so‘ng so‘z boshqa spikerlarga berildi va ular ham o‘zlari tayyorlab kelgan taqdimotlarni ishtirokchilar e’tiboriga taqdim etdi.
Izoh (0)