Respublika Yo‘l jamg‘armasi boshqaruv kengashi tomonidan tasdiqlangan “2017-yilda Toshkent shahri tumanlarining yo‘l infratuzilmasini rivojlantirishning manzilli dasturi”ga muvofiq poytaxt ko‘chalaridagi ta’mirlash ishlari davom etmoqda. Bu haqda Avtomobil yo‘llari davlat qo‘mitasi matbuot xizmati ma’lum qildi.
“Transyo‘lqurilish” DUK tomonidan poytaxtning besh tumanidagi bir qator ko‘chalarda umumiy hisobda 11,81 kilometr uzunlikdagi yo‘llar joriy va to‘la ta’mirlandi. 207000 kvadrat metr joyga asfalt yotqizildi, lotoklar, bordyurlar o‘rnatildi va boshqa obodonchilik ishlari amalga oshirildi.
Jumladan, Olmazor tumanidagi Talabalar ko‘chasida 2,86 kilometr, Muxbir ko‘chasida 1,3 kilometr, Beshqo‘rg‘on ko‘chasida 1,7 kilometr, Uchtepa tumanidagi Guliston ko‘chasida 2,1 kilometr, Qurilish ko‘chasida 1,6 kilometr, Chilonzor tumanidagi Cho‘ponota ko‘chasida 1,1 kilometr, Mirobod tumanidagi Turkiston ko‘chasida 0,9 kilometr, Mirzo Ulug‘bek tumanidagi Maxtumquli ko‘chasida 0,25 kilometr yo‘llar ta’mirlandi.
Izoh (0)