O‘zbekistonlik qorilar har yili bo‘lgani kabi joriy yilda ham Ramazon oyida tarovih namozlarini o‘qib berish uchun Rossiya Federatsiyasiga jo‘nab ketdi. Bu haqda O‘zbekiston musulmonlari idorasi matbuot xizmati xabar berdi.
Rossiya musulmonlari diniy jamiyati taklifiga binoan 6 nafar – Chilonzor tumani Bosh imom-xatibi Abdukarimov Husniddin, O‘zbekiston musulmonlari idorasi huzuridagi muqaddas qadamjolarni saqlash va obod etish xayriya jamg‘armasi xodimi Xudoyberdiyev Farrux, Din ishlari bo‘yicha qo‘mita Ta’lim bo‘limi xodimi Haydarov Mirodil, Shayxontohur tumani “Dorus-Salom” masjid noib-imomi Ubaydullayev Islom, Chilonzor tumani “Qatortol” masjidi imom-xatibi Alimov Abror va Yashnobod tumani “Ali ibn Abu Tolib” masjidi noib-imomi Mirsodiqov Nurilla Moskva shahriga safarbar etildi.
Qorilar Ramazon oyi davomida Rossiya shaharlarida musulmonlarga tarovih namozlarida xatmi Qur’on o‘qib beradi.
Shuningdek, safar davomida o‘zbekistonlik qorilar Rossiya shaharlarida tashkil etiladigan diniy marosimlarda ishtirok etishi kutilyapti.
Izoh (0)