2017 йилнинг 27 май куни «Ўзэкспомарказ»даги ITC бизнес марказининг анжуманлар залида 4P лоҳияси дорасида «Маркетингдаги коммуникация» мавзуида конференция бўлиб ўтди. Анжуманда коммуникациянинг маркетологлар ҳамда бошқа касб эгалари фаолиятидаги роли ва аҳамияти ҳақида сўз борди. Тадбир Миллий маркетинг маркази кўмагида Oqlivy PR халқаро агентликлар тармоғининг Тошкентдаги Tayniy Sovetnik — OgilvyPR офиси томонидан ўтказилди.
Конференциянинг асосий мақсадлари маркетинг соҳасидаги мутахассисларнинг профессионал даражасини ошириш имконини берувчи тадбирлар ва фаолиятларни ташкил қилиш, маркетинг соҳасидаги жаҳон тенденциялари ҳақида билимлар олинишини таъминлаш, замонавий бозор талабларига жавоб берувчи кучли мутахассислар ўсишини таъминловчи профессионал майдонларни яратишдан иборат.
Шунингдек, анжуман Ўзбекистон Президенти томонидан татбиқ этилган Ҳаракатлар стратегиясини бешта босқич бўйича амалга оширишда муҳим қадам ҳисобланади.
Анжуманда спикер сифатида Фарҳод Ниёзов (Carlsberg Group компаниясининг ходимлар бўйича ички алоқаларни таъминлаш бўлими бошлиғи), Ораз Абдураззоқов (Beeline Uzbekistan’нинг коммуникация ва ташқи алоқалар бўйича директори), Айнура Умаева (Tayniy Sovetnik — OgilvyPR компаниясининг бошқарувчи ҳамкори), Диёр Аҳмедов (Миллий маркетинг маркази бошқаруви раиси) иштирок этди.
Анжуманда Фарҳод Ниёзов ўзининг ички коммуникацияга оид видеотақдимотини онлайн равишда тақдим этди ва анжуман иштирокчиларнинг маркетинг борасидаги турли саволларига жавоб берди.
Ундан сўнг сўз бошқа спикерларга берилди ва улар ҳам ўзлари тайёрлаб келган тақдимотларни иштирокчилар эътиборига тақдим этди.
Изоҳ (0)