2019-yilgacha Toshkent shahridagi 8 ta bozor rekonstruksiya qilinadi

O‘zbekiston Prezidenti qaroriga muvofiq, 2019-yilgacha Toshkent shahridagi bir qator dehqon bozorlari rekonstruksiya qilinadi. “Darakchi.uz” ularning qaysi bozorlar ekanligiga aniqlik kiritdi. 

“Toshbozorsavdo” uyushmasi poytaxtdagi 20 ta bozor va savdo komplekslarini birlashtiradi. Ulardan rekonstruksiya dasturiga quyidagilar kiritildi:

1. “Eski Jo‘va dehqon bozori” AJ (“Chorsu”);
2. “Oloy dehqon bozori” AJ;
3. “Mirobod dehqon bozori” AJ;
4. “Aviasozlar dehqon bozori” AJ;
5. “Yunusobod dehqon bozori” AJ;
6. “Toshkent qishloq xo‘jalik mahsulotlari ulgurji bozori” AJ (“Qo‘yliq”);
7. “Sergeli dehqon bozori” AJ;
8. “Navro‘z dehqon bozori” AJ.

Jumladan, “Qo‘yliq” bozorida ulgurji savdo uchun mo‘ljallangan gipermarket, mehmonxonalar, yuk avtomobillari uchun turargohlar quriladi. 

Facebook’dagi “Tashkent stroitsya” guruhida “Chorsu” bozorida olib borilayotgan rekonstruksiya ishlari fotolari ham paydo bo‘ldi.