O‘zbekiston sog‘liqni saqlash vaziri Alisher Shodmonov Jenevada 22-may kuni boshlangan Jahon sog‘liqni salqash assambleyasining 70-sessiyasida ma’ruza qildi. Bu haqda vazirlik axborot xizmati “Daryo”ga ma’lum qildi.
Har yili Jenevada o‘tkaziluvchi Jahon sog‘liqni saqlash assambleyasining sessiyasida Jahon sog‘liqni saqlash tashkilotiga a’zo davlatlar vakillari ishtirok etib, sog‘liqni saqlash sohasi bo‘yicha kuzatilayotgan global muammolar va ularning yechimlari borasida muhokamalar o‘tkazadi.
Bu yil 31-mayga qadar davom etishi kutilayotgan sessiyada ishtirokchilar sog‘liqni saqlash sohasiga doir favqulodda vaziyatlar, xalqaro tibbiy-sanitariya qoiadalari, poliomiyelit, mikrobga qarshi dori vositalariga nisbatan chidamlilik, dori vositalari va vaksinalar ta’minoti kabi dolzarb mavzularda muhokamalar bo‘lishi kutilmoqda.
Sessiyada O‘zbekiston sog‘liqni saqlash vaziri Alisher Shodmonov ham ma’ruza qildi. O‘z chiqishida vazir BMTning Barqaror rivojlanish maqsadlarining 3-ustuvor maqsadi bo‘yicha O‘zbekistonda amalga oshirilayotgan islohotlarga to‘xtalib o‘tdi.
2015-yilning sentabrida O‘zbekiston ham BMTning barcha a’zo davlatlari qatorida 17 ta maqsad va ularga biriktirilgan 169 ta maqsadli ko‘rsatkichlardan tashkil topgan Barqaror rivojlanish maqsadlarini qo‘llab-quvvatlagan edi.O‘zbekiston sog‘liqni saqlash vazirining ma’ruzasidan so‘ng, JSST bosh direktori Tedros Gebreyesus va Jahon sog‘liqni saqlash assambleyasi raisi Veronika Skvorsova O‘zbekistonda sog‘liqni saqlash sohasida olib borilayotgan islohotlarni yuqori baholadi.Mazkur ro‘yxatdagi 3-ustuvor maqsad — sog‘lom turmush tarzi va shunga muvofiq har qanday yoshda har bir kishi uchun farovonlikni ta’minlashga qaratilgan. O‘zbekiston o‘z oldiga onalar, chaqaloqlar va 5 yoshgacha bo‘lgan bolalar o‘limini kamaytirish, yuqumli va virusli kasalliklar, yuqumli bo‘lmagan xastaliklar ko‘rsatkichini yanada pasaytirishni asosiy maqsad qilib qo‘ygan.
Alisher Shodmonov, O‘zbekiston sog‘liqni saqlash vaziri
Izoh (0)