Toshkentda 25-mayda O‘zbekiston Respublikasi va Turkiya Respublikasi o‘rtasidagi Savdo-iqtisodiy hamkorlik bo‘yicha hukumatlararo komissiyaning 4-yig‘ilishi bo‘lib o‘tdi. Yig‘ilishda O‘zbekiston Bosh vazirining o‘rinbosari Rustam Azimov va Turkiya Bosh vazirining o‘rinbosari Yildirim Tug‘rul Turkesh hamda ikki mamlakatning vazirlik, idoralar va tadbirkorlik subyektlari vakillari ishtirok etdi.
Yig‘ilishda ikki mamlakat o‘rtsidagi savdo-iqtisodiy hamkorlikning joriy holati va kelajak istiqbollari muhokama qilindi. Turizm, transport tashuvlarini tashkil qilish, yangi investitsion loyihalarni amalga oshirish kabi masalalar muhokamalar markazida bo‘ldi.
Yig‘ilish yakunida O‘zbekiston Respublikasi va Turkiya Respublikasi o‘rtasidagi Savdo-iqtisodiy hamkorlik bo‘yicha hukumatlararo komissiyaning 4-yig‘ilishi bayonnomasi imzolandi. Shuningdek, O‘zbekiston Turizmni rivojlantirish davlat qo‘mitasi raisi va Turkiya madaniyat va turizm vaziri uchrashuvlari bayonnomasi, O‘zbekiston hukumat va Turkiya hukumati o‘rtasida daromad soliqlariga nisbatan ikki yoqlama soliqqa tortishning oldini olish bo‘yicha bitimga o‘zgartirish kiritish to‘g‘risidagi bayonnoma, O‘zbekiston hukumat va Turkiya hukumati o‘rtasida investitsiyalar bo‘yicha bitim loyihasi imzolandi.
Izoh (0)