Интерпол Панамани 2009—2014 йилларда бошқарган собиқ президент Рикардо Мартинеллини халқаро қидирувга берди. Бу ҳақда La Prensa нашри маълум қилди.
Мартинелли коррупция ва мамлакат фуқаролари ортидан кузатишда айбланмоқда.
Шунингдек, у Панама визалари билан ноқонуний савдода ҳам гумон қилинмоқда. Бу Мартинелли ва унинг шерикларига 100 миллион долларгача даромад келтирган.
2015 йил декабрида Панама олий суди Мартинеллини ҳибсга олишга ордер берди. Агар собиқ давлат раҳбари айбдор деб топилса, 21 йилгача бўлган муддатга қамалиши мумкин.
Панама ТИВ АҚШга Мартинеллини топшириш ҳақида илтимос билан ҳам мурожаат этди. У Майамида яшаши тахмин қилинади.
Изоҳ (0)