Volgogradda g‘aznachi o‘zining so‘nggi ish kunida bankdan 9 million rublni olib chiqib ketdi

Volgograddagi bank filiallaridan birining g‘aznachisi 8,8 million rubl hamda 80 mingdan ortiq chet el valyutasini (dollar va yevro) o‘g‘rilashda gumon qilinmoqda. Bu haqda Volgograd viloyati IIBB vakili Anton Kornauxovga asoslanib, “TASS” xabar berdi.

“Politsiyaga bank boshqaruvchisi murojaat qildi va 8,8 million rubl va 80 mingdan ortiq chet el valyutasi kamomadi haqida xabar berdi. 1974-yilda tug‘ilgan bank g‘aznachisi Yekaterina Oniani voqea yuzasidan gumon qilinmoqda. Hozirda Yekaterinaga nisbatan federal va xalqaro qidiruv e’lon qilingan”, — deb Koxnauxov so‘zlaridan parcha keltiradi agentlik.

Uning so‘zlariga ko‘ra, 22-may, dushanba kuni ayolning bankdagi so‘nggi ish kuni bo‘lgan. “U o‘z xohishi bilan yozgan arizaga ko‘ra, so‘nggi ish kuniga kelishi va ishni topshirishi kerak edi. Biroq u ishga chiqmadi. Uning turmush o‘rtog‘i ikki hafta oldin Gruziyaga jo‘nab ketgani ma’lum. Shuningdek, u biroz oldin maktabdan o‘zining ikki nafar farzandini hujjatlarini olib, qayergadir jo‘natib yuborgan”, — dedi Kornauxov.

Onianiga nisbatan jinoiy ish ochilgan bo‘lib, u 10 yilgacha ozodlikdan mahrum qilinishi mumkin.