Kongress a’zosi Jeyson Chaffes FQB direktori vazifasini bajaruvchi Endryu Makkeyb nomiga byuroning sobiq rahbari Jeyms Komining AQSh prezidenti Donald Tramp bilan uchrashuviga bog‘liq barcha yozuvlarni taqdim etish talabi bilan maktub yo‘lladi. Hujjat vakillar palatasi saytida e’lon qilindi, deb xabar berdi “Gazeta.ru”.
The New York Times nashri Donald Tramp ushbu yilning fevral oyida Komidan milliy xavfsizlik bo‘yicha o‘zining sobiq maslahatchisi Maykl Flinn bo‘yicha tergovni to‘xtatishini so‘ragani haqida yozgan edi. Oq uy bu kabi da’volarni rad etdi.
Makkeyb nomiga yo‘llangan maktubda Chaffes undan nashrning ma’lumotini tasdiqlashi yoki rad etishi lozimligini so‘ragan. Shu munosabat bilan u idora direktori vazifasini bajaruvchi Makkeybdan Komining Tramp bilan uchrashuviga bog‘liq barcha yozishmalari, qisqa qaydlari va ovozli yozuvlarini topshirishni so‘ragan.
Avvalroq, senat qo‘mitasining razvedka bo‘yicha boshlig‘i Richard Berr Komining Tramp va Flinn borasidagi yozishmalarini ishochliligiga shubha bildirgan edi.
Izoh (0)