Yaponiyaga issiq ob-havo mavsumi kirib kelganidan so‘ng mansabdorlar va firmalar xodimlari ishga bo‘yinbog‘siz kelishi mumkinligini anglatuvchi Cool biz kampaniyasi boshlandi. Bu haqda “RIA Novosti” xabar bermoqda.
Odatdagidek, mazkur kampaniyaga birinchi galda erkaklar kiyimlarini ishlab chiqaruvchilar tayyorgarlik ko‘rdi: ular bo‘yinbog‘lar o‘rniga ipak bog‘ich yoki dastro‘moldan aksessuarlar, asosan ipakdan iborat, vazni 290 grammdan oshmaydigan yengil pidjaklar taklif etmoqda.
Asosiy urg‘u haroratli havoda o‘zini qiynamaslik, shu bilan birga, kiyim-boshiga qarash va mijoz yoki sherik bilan uchrashganda firma obro‘sini to‘kmaslikka qaratilgan.
Yaponiyada yengillashtirilgan kiyimlarni joriy etish bo‘yicha Sool biz (inglizcha Cool business — yengil biznes so‘zining qisqartmasi) umummilliy kampaniyasi 2005-yildan beri o‘tkazilmoqda. Maqsad 28 daraja tartibiga qo‘yiladigan sovitgichlarga bosimni kamaytirish hisobiga iqlim isishiga qarshi kurashdan iborat. Buning uchun xodimlarga ishga yengilroq kiyimda kelishga ruxsat beriladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)