Hindistondagi Kuruli qishlog‘ining politsiya xodimi yovvoyi qoplon qurboniga aylanmaslik maqsadida tomdan sakrashiga to‘g‘ri keldi. Bu haqda TJournal xabar bermoqda.
Bidjay Kuntiya ismli politsiyachi qishloqdagi molxonaga yashirinib olgan yirtqichni qo‘lga olishda yordam ko‘rsatayotgan. Biroq kutilmaganda qoplon tomga chiqib olib, huquq-tartibot xodimiga hujum qilishga uringan. Yirtqich Kuntiyaning ortidan quvlab, uni tirnashga ulgurgan.
Hodisa oqibatida politsiyachi jarohat olgan va shifoxonaga yotqizilgan. Undan tashqari yana ikki kishi, shuningdek, 16 yoshli o‘smir ham shikastlangan.
Qoplonni ushlashga 12 soat vaqt ketgan. Hozirda uni hayvonot bog‘iga topshirish rejalashtirilmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)