Японияга иссиқ об-ҳаво мавсуми кириб келганидан сўнг мансабдорлар ва фирмалар ходимлари ишга бўйинбоғсиз келиши мумкинлигини англатувчи Cооl biz кампанияси бошланди. Бу ҳақда «РИА Новости» хабар бермоқда.
Одатдагидек, мазкур кампанияга биринчи галда эркаклар кийимларини ишлаб чиқарувчилар тайёргарлик кўрди: улар бўйинбоғлар ўрнига ипак боғич ёки дастрўмолдан аксессуарлар, асосан ипакдан иборат, вазни 290 граммдан ошмайдиган енгил пиджаклар таклиф этмоқда.
Асосий урғу ҳароратли ҳавода ўзини қийнамаслик, шу билан бирга, кийим-бошига қараш ва мижоз ёки шерик билан учрашганда фирма обрўсини тўкмасликка қаратилган.
Японияда енгиллаштирилган кийимларни жорий этиш бўйича Сооl biz (инглизча Cool business — енгил бизнес сўзининг қисқартмаси) умуммиллий кампанияси 2005 йилдан бери ўтказилмоқда. Мақсад 28 даража тартибига қўйиладиган совитгичларга босимни камайтириш ҳисобига иқлим исишига қарши курашдан иборат. Бунинг учун ходимларга ишга енгилроқ кийимда келишга рухсат берилади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)