Tom Xardi avtoturargohdagi mashinaga urilgan mototsikl o‘g‘risini qo‘lga oldi. 39 yoshli aktyor o‘g‘ri yashirinishga uringanini payqab qolib, Londondagi Richmond shahri ko‘chasi bo‘ylab ortidan quvlay boshlagan. Bu haqda The Sun nashriga voqeaga guvoh bo‘lgan shaxs so‘zlab berdi, deb xabar qildi TJournal.
Uning so‘zlariga ko‘ra, Xardi o‘g‘rining ortidan quvgan va uylardan birining orqa hovlisida uni tutishga muvaffaq bo‘lgan.
Guvohning ta’kidlashicha, bunga qadar o‘smir do‘sti bilan mototsikl o‘g‘irlagan va qizil chiroqda o‘tishga uringan.
Menimcha, Xardi shu atrofdan o‘tayotib voqeaga guvoh bo‘lib qolgan. U yigitlarning ortidan quvishga tushdi va ko‘rinishi vajohatli edi. Agarda yigitcha qarshilik ko‘rsatadigan darajada ahmoq bo‘lganida, Tom unga yaxshigina saboq berib qo‘ygan bo‘lardi.Aktyor o‘zi ham Richmonddagi uylardan birida istiqomat qiladi. Xardi o‘g‘rini politsiya qo‘liga topshirgan.Aron Pullen, guvoh
Politsiya o‘g‘rining sherigini qo‘lga olgan, ikkala jinoyatchiga ham ayblov e’lon qilingan. Tom Xardining matbuot kotibi voqeaga izoh berishni istamadi.
Keyinroq, Angliya politsiya idoralari markazi — Skotlend-Yard aktyorning jinoyatchi ortidan quvganiga shubha bilan qarayotganliklarini ma’lum qildi.
Qonunbuzarlarni qo‘lga olgan mahalliy huquq-tartibot xodimlari bilan bog‘langan Skotlend-Yard vakili “Hech qanday ta’qib bo‘lmagan”ini aytdi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)