Том Харди автотураргоҳдаги машинага урилган мотоцикл ўғрисини қўлга олди. 39 ёшли актёр ўғри яширинишга уринганини пайқаб қолиб, Лондондаги Ричмонд шаҳри кўчаси бўйлаб ортидан қувлай бошлаган. Бу ҳақда The Sun нашрига воқеага гувоҳ бўлган шахс сўзлаб берди, деб хабар қилди TJournal.
Унинг сўзларига кўра, Харди ўғрининг ортидан қувган ва уйлардан бирининг орқа ҳовлисида уни тутишга муваффақ бўлган.
Гувоҳнинг таъкидлашича, бунга қадар ўсмир дўсти билан мотоцикл ўғирлаган ва қизил чироқда ўтишга уринган.
Менимча, Харди шу атрофдан ўтаётиб воқеага гувоҳ бўлиб қолган. У йигитларнинг ортидан қувишга тушди ва кўриниши важоҳатли эди. Агарда йигитча қаршилик кўрсатадиган даражада аҳмоқ бўлганида, Том унга яхшигина сабоқ бериб қўйган бўларди.Актёр ўзи ҳам Ричмонддаги уйлардан бирида истиқомат қилади. Харди ўғрини полиция қўлига топширган.Арон Пуллен, гувоҳ
Полиция ўғрининг шеригини қўлга олган, иккала жиноятчига ҳам айблов эълон қилинган. Том Хардининг матбуот котиби воқеага изоҳ беришни истамади.
Кейинроқ, Англия полиция идоралари маркази — Скотленд-Ярд актёрнинг жиноятчи ортидан қувганига шубҳа билан қараётганликларини маълум қилди.
Қонунбузарларни қўлга олган маҳаллий ҳуқуқ-тартибот ходимлари билан боғланган Скотленд-Ярд вакили «Ҳеч қандай таъқиб бўлмаган»ини айтди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)