“Kegeyli ekstrakt” O‘zbekiston—Xitoy qo‘shma korxonasi Kegeyli tumani hududida joylashgan “Quo‘anishjarma” irrigatsiya tarmoqlari boshqarmasining balansidagi qarovsiz qolgan bo‘sh binoni 420 ming AQSh dollari invesitsiya kiritish hisobiga o‘z faoliyatini boshladi. Bu haqda “KRuz.uz” xabar berdi.
Qizil miyani qayta ishlovchi qo‘shma korxona mart oyidan ishni boshlab, qizil miya ekstraktini Xitoy Xalq Respublikasiga eksport qilmoqda. Yangi texnologiyalarni va mahsulotlar sifatini nazorat qilishda mahalliy ishchilarga xitoylik mutaxassislar o‘z tajribasiini o‘rgatmoqda.
Qizil miyani fermerlardan sotib olishdan tashqari, uni korxona tomonidan ikki ming gektar maydonda yetishtirish rejalashtirilgan. Buning uchun tuman hokimligidan yer so‘rab murojaat qilingan.
Korxona hozirgi vaqtda 50 kishini ish bilan ta’minlagan va unda xomashyoni qayta ishlash ishlari qizg‘in olib borilmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)