AQSh prezidenti Donald Tramp Xitoy rahbari Si Szinpin bilan uning Amerikaga tashrifi chog‘ida do‘stlashib qolganini bildirdi. Bu haqda “Korrespondent.net” xabar bermoqda.
“AQShda rais Si Szinpin va Pen Liyuan xonimni mehmon tariqasida qabul qilish men uchun katta sharaf bo‘ldi. Ajoyib do‘stlik muhiti shakllandi. Biroq savdo bilan nima bo‘lishini vaqt ko‘rsatadi”, — deya yozuv qoldirdi Tramp Twitter’dagi sahifasida.
Eslatib o‘tamiz, Tramp Si Szinpin va uning turmush o‘rtog‘ini Florida shtatidagi qarorgohida qabul qildi. Ikki davlat yetakchilari Shimoliy Koreyaning yadro dasturi, savdo siyosati va mintaqaviy masalalarni muhokama qildi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)