Indoneziya politsiyasi Yava orolidagi otishma chog‘ida IShID bilan bog‘liq guruhni yo‘q qildi. Bu haqda “Interfaks” xabar bermoqda.
Jangarilar avtomobildan o‘q uzib, yo‘l politsiyasi postiga hujum uyushtirmoqchi bo‘ldi.
Yo‘l politsiyachilariga boshlangan otishma davomida yaqin atrofdagi aholi punkti huquq-tartibot idoralari xodimlari yordamga keldi. Natijada 6 nafar jangari o‘ldirildi, yana biri qo‘lga olindi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)