Nil timsohi Afrikadagi ko‘lda cho‘milayotgan sayyohga hujum qildi va oyog‘ini g‘ajib tashladi. Bu haqda Daily Star ma’lum qildi.
Hodisa Ugandaning markaziy qismidagi Kalangala okrugida ro‘y berdi. Ismi-sharifi oshkor etilmayotgan oq tanli erkak Viktoriya ko‘lida cho‘milayotganda unga timsoh hujum qildi.
Timsoh sayyohning chap oyog‘ini tizzasidan pastini uzib oldi. Ko‘p qon yo‘qotganligidan deyarli behush holdagi erkakni mahalliy fuqarolar suvdan chiqarib oldi. Ularga Uganda armiyasi askari ham yordamga keldi.
Jabrdiydaning kelgusi taqdiri hozircha noma’lum.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)