Toshkent shahridagi Mirzo Ulug‘bek tumani hokimligi fuqarolar murojaatlari yuzasidan hisobot berib borishni yo‘lga qo‘ydi. Bu haqda hokimlikning Facebook’dagi sahifasida ma’lum qilindi.
Oxirgi 6 oy mobaynida majburiyatlariga sovuqqonlik bilan yondashgani va vazifasini lozim darajada bajarmaganligi uchun 2 hokim o‘rinbosari va 3 nafar mas’ul xodim egallab turgan lavozimidan ozod etildi.
Shuningdek, yuridik va jismoniy shaxslar murojaatlarini o‘z vaqtida ko‘rib chiqmaganligi tufayli bir necha xodim tuman prokuraturasi tomonidan ma’muriy javobgarlikka tortildi.
Tuman hokimligi o‘z sahifasi orqali amalga oshirilgan ishlar yuzasidan har hafta hisobot berib borilishiga ishontirdi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)