O‘zbekiston Prezidenti Shavkat Mirziyoyev Sirdaryo viloyatining Yangiyer shahrida kichik sanoat zonasi tashkil etish haqidagi qarorni imzoladi. Bu haqda Norma xabar bermoqda.
Ushbu zona faoliyat muddati 30 yil etib belgilangan bo‘lib, kelgusida yana uzaytirilishi mumkin. Uning hududida umumiy qiymati 40 million dollar turadigan 207 ta loyiha amalga oshirilishi ko‘zda tutilmoqda.
Mazkur loyihalar to‘qimachilik, charm-poyabzal, kimyo, oziq-ovqat, elektrtexnika sanoati, qurilish materiallari industriyasi, meva-sabzavotni qayta ishlash va boshqa yo‘nalishlarni qamrab oladi.
KSZ ishtirokchilari — ishlab chiqarish mikrofirmalari va kichik korxonalar yagona soliq to‘lovi va bojxona to‘lovlaridan ozod etiladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)