O‘zbekiston va Polsha o‘rtasida diplomatik munosabatlar o‘rnatilganining 25 yilligi munosabati bilan Polsha prezidenti Anjey Duda O‘zbekiston Prezidenti Shavkat Mirziyoyevga tabrik yo‘llagan. Bu haqda O‘zA xabar bermoqda.
Polsha prezidenti qutlovida bunday deyiladi:
Mamlakatlarimiz o‘rtasida samarali munosabatlar yo‘lga qo‘yilganini mamnuniyat bilan ta’kidlamoqchiman. Polsha O‘zbekistonni Yevroosiyo mintaqasidagi muhim sherik, deb biladi va mustaqillik yillarida O‘zbekiston erishgan ulkan yutuqlarni hurmat qiladi. Sizning rahnamoligingizda O‘zbekistonning yaqin qo‘shnilari bilan aloqalar bo‘yicha amalga oshirilayotgan yangicha siyosatni diqqat bilan kuzatib bormoqdamiz. Bunday yaqin qo‘shnichilik siyosati Markaziy Osiyo mintaqasidagi barqarorlikni yanada mustahkamlashda muhim ahamiyatga ega.Prezident Anjey Duda Polshada ikki tomonlama iqtisodiy munosabatlarni rivojlantirishga katta e’tibor qaratilayotganini va bu borada ulkan imkoniyatlar mavjudligini ta’kidlagan.Anjey Duda, Polsha prezidenti
O‘zbekiston Prezidenti Shavkat Mirziyoyev qutlovida “o‘tgan davrda ikki davlat o‘rtasida mustahkam do‘stlik va o‘zaro anglashuv an’analariga asoslangan amaliy munosabatlar o‘rnatilgan”i alohida ta’kidlangan.
Shavkat Mirziyoyev “O‘zbekiston Polsha bilan siyosiy-diplomatik, madaniy-gumanitar sohalarda o‘zaro manfaatli amaliy hamkorlikni yanada kengaytirish, savdo, qishloq xo‘jaligi, investitsiya va innovatsiyalar, turizm hamda boshqa ko‘plab yo‘nalishlar bo‘yicha aniq dastur va loyihalarni amalga oshirish tarafdori” ekanini qayd etgan.
O‘zbekiston Prezidenti ikki mamlakat bundan buyon ham “O‘zbekiston bilan Polsha o‘rtasidagi munosabatlarni chuqurlashtirish, o‘zaro hurmat, teng huquqlilik va ishonch prinsiplari asosida yanada mustahkamlash borasida hamkorlikni davom ettirishi”ga ishonch bildirgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)