Bugun,

  • USD 10940.05
  • RUB 182.26
  • EUR 11121.65

Davlat yetakchilari hissiyotlarini oshkor etishi kamdan-kam uchraydi, biroq ba’zida shunday ham bo‘lib turadi. “RBK” siyosatchilarni yig‘lashga undagan holatlar fotojamlanmasini taqdim etdi.

2012-yil 4-mart kuni Vladimir Putin uchinchi muddatga Rossiya prezidenti etib saylandi. Ertasiga Moskvadagi Manej maydonida bo‘lib o‘tgan mitingda Putin his-hayajonini yashirolmadi. Keyinchalik u ko‘z yoshlarini kuchli shamol bilan izohlagandi.

Foto: AP

Foto: AP

AQSh prezidenti Barak Obama 2016-yil 5-yanvarda qurol haqidagi yangi qonunni joriy etishga bag‘ishlangan chiqishida “Sendi Xuk” maktabida o‘ldirilgan 20 nafar o‘quvchini eslab, 2017-yil 11-yanvarda esa xayrlashuv marosimidagi nutqida turmush o‘rtog‘i Mishelga minnatdorlik bildirayotganida yig‘lab yubordi.

Foto: Reuters

Foto: Reuters

Buyuk Britaniya qirolichasi Yelizaveta II omma oldida hissiyotlarini kamdan-kam namoyish etadi, biroq 2016-yil 17-may kuni Lankaster gersogi polkining halok bo‘lgan askarlarini sharaflash marosimida o‘zini tutib turolmadi.

Foto: Getty Images

Foto: Getty Images

Afg‘oniston prezidenti Hamid Karzay 2010-yil 27-sentabrda millatga telemurojaati chog‘ida mamlakatdagi zo‘ravonlik darajasi haqida gapirayotganda yig‘lab yubordi.

Foto: AP

Foto: AP

Braziliya prezidenti Luis Inasiu Lula da Silva 2009-yil 2-oktabrda Rio-de-Janeyro 2016-yilgi Olimpiya o‘yinlari o‘tkaziladigan joy sifatida e’lon qilinganidan so‘ng quvonchdan ko‘z yoshlarini tiya olmagandi.

Foto: Reuters

Foto: Reuters

Kichik Jorj Bush 2007-yil 11-yanvarda, Iroqda xizmatdoshlarini qutqarish uchun granata ustiga o‘zini otgan dengiz piyodachisi Jeyson Danemni sharaflash marosimida yig‘lab yuborgandi.

754884639576618

Germaniya kansleri Gerxard Shryoder lavozimini tark etishidan 3 kun avval bundesver askarlari tomonidan o‘tkazilgan kuzatish marosimida o‘zini tiyib turolmadi.

Foto: AP

Foto: AP

Britaniya OAVlari 1990-yil noyabrida mamlakat bosh vaziri, “temir xonim” deya nom olgan Margaret Tetcher Dauning-strit ko‘chasidagi qarorgohini tark etayotganida ko‘zlari yoshga to‘lgani aks etgan fotolarni e’lon qilgandi.

Foto: Mirrorpix

Foto: Mirrorpix

“Daryo”ning Telegram’dagi rasmiy kanali — @toshqindaryo’ga a’zo bo‘ling!

Izoh
Asosiy yangiliklar
Dunyo
Qirg‘iziston ta’lim vaziri xorijlik talabalardan pora olayotgan vaqtda ushlandi
Dunyo
Qozog‘iston Rossiyaga harbiy texnika yuborayotgani haqidagi xabarlar yuzasidan mamlakat Mudofaa vazirligi izoh berdi
Mahalliy
O‘zbekistonda 30-sentabrda qanday ob-havo kutilmoqda?