Davlat yetakchilari hissiyotlarini oshkor etishi kamdan-kam uchraydi, biroq ba’zida shunday ham bo‘lib turadi. “RBK” siyosatchilarni yig‘lashga undagan holatlar fotojamlanmasini taqdim etdi.
2012-yil 4-mart kuni Vladimir Putin uchinchi muddatga Rossiya prezidenti etib saylandi. Ertasiga Moskvadagi Manej maydonida bo‘lib o‘tgan mitingda Putin his-hayajonini yashirolmadi. Keyinchalik u ko‘z yoshlarini kuchli shamol bilan izohlagandi.
AQSh prezidenti Barak Obama 2016-yil 5-yanvarda qurol haqidagi yangi qonunni joriy etishga bag‘ishlangan chiqishida “Sendi Xuk” maktabida o‘ldirilgan 20 nafar o‘quvchini eslab, 2017-yil 11-yanvarda esa xayrlashuv marosimidagi nutqida turmush o‘rtog‘i Mishelga minnatdorlik bildirayotganida yig‘lab yubordi.
Buyuk Britaniya qirolichasi Yelizaveta II omma oldida hissiyotlarini kamdan-kam namoyish etadi, biroq 2016-yil 17-may kuni Lankaster gersogi polkining halok bo‘lgan askarlarini sharaflash marosimida o‘zini tutib turolmadi.
Afg‘oniston prezidenti Hamid Karzay 2010-yil 27-sentabrda millatga telemurojaati chog‘ida mamlakatdagi zo‘ravonlik darajasi haqida gapirayotganda yig‘lab yubordi.
Braziliya prezidenti Luis Inasiu Lula da Silva 2009-yil 2-oktabrda Rio-de-Janeyro 2016-yilgi Olimpiya o‘yinlari o‘tkaziladigan joy sifatida e’lon qilinganidan so‘ng quvonchdan ko‘z yoshlarini tiya olmagandi.
Kichik Jorj Bush 2007-yil 11-yanvarda, Iroqda xizmatdoshlarini qutqarish uchun granata ustiga o‘zini otgan dengiz piyodachisi Jeyson Danemni sharaflash marosimida yig‘lab yuborgandi.
Germaniya kansleri Gerxard Shryoder lavozimini tark etishidan 3 kun avval bundesver askarlari tomonidan o‘tkazilgan kuzatish marosimida o‘zini tiyib turolmadi.
Britaniya OAVlari 1990-yil noyabrida mamlakat bosh vaziri, “temir xonim” deya nom olgan Margaret Tetcher Dauning-strit ko‘chasidagi qarorgohini tark etayotganida ko‘zlari yoshga to‘lgani aks etgan fotolarni e’lon qilgandi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)