Afg‘oniston rasmiylari Nangarhar viloyatida 14 kishini IShID asirligidan ozod etishga muvaffaq bo‘ldi. Bu haqda mahalliy hukumat bayonotiga tayanib, “Gazeta.ru” ma’lum qildi.
“Xaska Mina tumanida 12 nafar din o‘qituvchisi va 2 nafar o‘quv yurti xodimi ozod qilindi. Ular ISHID jangarilari tomonidan bundan 40 kun avval o‘g‘irlab ketilgandi”, — deyiladi xabarda.
Ozod etilganlar oilalariga qaytgani bildirilmoqda. Ularni jangarilar tutqunligidan qutqarish bo‘yicha operatsiya mahalliy oqsoqollar va rasmiylar vositachiligida o‘tkazildi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)