Qo‘shma Shtatlar Yaqin Sharqda harbiy operatsiyalar va ittifoqdoshlarni qo‘llab-quvvatlash uchun 6 trillion dollar sarfladi, biroq yakunda hech narsaga erishmadi. Bu haqda AQSh prezidenti Donald Tramp Oq uyda shtat gubernatorlari bilan uchrashuvda ma’lum qildi, deya xabar beradi “TASS”.
Biz Yaqin Sharqda 17 yil urush olib bordik. Buning uchun 6 trillion dollar sarflandi. Bu umuman aqlga sig‘maydi, axir biz hech narsaga erishmadik. Mintaqada vaziyat bundan 16—17 yil avvalgiga qaraganda yomon bo‘lsa bo‘ldiki, o‘nglanmadi.Donald Tramp, AQSh prezidenti
Donald Trampning topshirig‘idan bir oy o‘tib, AQSh Mudofaa vazirligi Oq uyga IShID terrorchilik tashkilotiga qarshi kurashni kuchaytirish yo‘llaridan iborat rejani yubordi. Taklif etilayotgan reja harbiy, diplomatik va moliyaviy choralarni o‘z ichiga oladi.
Avvalroq Donald Tramp IShIDni yo‘qotishga oid yangi rejani ishlab chiqish doirasida Suriyada terrorchilarga qarshi kurashda yanada faolroq ishtirok etishga qaror qilishi mumkinligi xabar qilingan edi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)