O‘zbekistonda haftaning ikkinchi yarmidan havo haroratining ko‘tarilishi kutilmoqda, deya xabar bermoqda “Gazeta.uz”. “O‘zgidromet” markazi ma’lumotlariga ko‘ra, 22-fevral, chorshanbadan 23-fevral, payshanbaga o‘tar kechasi qator hududlarda kechki harorat nol darajaga yetadi yoki undan ko‘tariladi.
Dam olish kunlari mamlakat bo‘ylab nisbatan issiq havo bo‘lishi kutilmoqda. Kunduzgi eng yuqori harorat Farg‘ona vodiysi hududlarida (+5...+10 darajagacha) va mamlakatning janubiy viloyatlarida (+10...+15 darajagacha) kuzatiladi.
22—25-fevral kunlari Qoraqalpog‘iston Respublikasi va Xorazm viloyati hududida havo o‘zgarib turadi, yog‘ingarchiliklar bo‘lmaydi. Ayrim joylarga tuman tushishi mumkin. Shamol sharqdan soniyasiga 7—12 metr tezlikda esadi. Harorat kechasi 22-fevralda −8...−3 daraja sovuq, 23—25-fevralda −3...+2 daraja, kunduzi +7...+12 daraja iliq bo‘ladi.
Buxoro va Navoiy viloyatlarida havo o‘zgarib turadi, 22—24-fevral kunlari yog‘ingarchiliklar kutilmaydi. 25-fevralda ayrim tumanlarda biroz yomg‘ir yog‘ishi mumkin. Ayrim joylarga tuman tushishi ehtimoli bor. Sharqiy shamol yo‘nalishini g‘arbga o‘zgartirgan holda soniyasiga 7—12 metr tezlikda esadi. Harorat 22-fevral kechasi −10...−5 daraja sovuq, kunduzi 0...+5 daraja, 23—25-fevral kunlari kechasi 0...+5 daraja, kunduzi 23—24-fevralda +10...+15 daraja, 25-fevralda +7...+12 daraja iliq bo‘ladi.
Toshkent, Samarqand, Jizzax va Sirdaryo viloyatlarida havo o‘zgarib turadi, 22—24-fevral kunlari yog‘ingarchiliklar bo‘lmaydi. 25-fevral kuni ayrim hududlarda biroz yomg‘ir yog‘ishi mumkin. Joylarga tuman tushish ehtimoli bor. Sharqiy shamol yo‘nalishini g‘arbga o‘zgartirgan holda soniyasiga 7—12 metr tezlikda esadi. Harorat 22-fevral kuni kechasi −12...−7 daraja sovuq, kunduzi −5...0 daraja sovuq, ayrim joylarda +2...+4 daraja iliq; 23—24-fevral kunlari kechasi −7...−2 daraja sovuq, kunduzi +7...+12 daraja, ayrim joylarda +13...+15 daraja iliq; 25-fevral kechasi 0...+5 daraja, kunduzi +7...+12 daraja iliq bo‘ladi.
Qashqadaryo va Surxondaryo viloyatlarida havo o‘zgarib turadi, 22—24-fevral kunlari yog‘ingarchiliklar bo‘lmaydi. 25-fevral kuni ayrim hududlarda biroz yomg‘ir yog‘ishi mumkin. Joylarga tuman tushish ehtimoli bor. Sharqiy shamol yo‘nalishini g‘arbga o‘zgartirgan holda soniyasiga 7—12 metr tezlikda esadi. Harorat 22-fevral kuni kechasi −10...−5 daraja sovuq, kunduzi 0...+5 daraja iliq, 23—25-fevral kunlari kechasi 0...+5 daraja, kunduzi +10...+15 daraja iliq bo‘ladi.
Andijon, Namangan va Farg‘ona viloyatlarida havo o‘zgarib turadi, yog‘ingarchiliklar bo‘lmaydi. Ayrim joylarga tuman tushish ehtimoli bor. Sharqiy shamol soniyasiga 7—12 metr tezlikda esadi. Harorat 22-fevral kuni kechasi −10...−5 daraja sovuq, kunduzi 0...+5 daraja iliq, 23—24-fevral kunlari kechasi −7...−2 daraja sovuq, kunduzi +3...+8 daraja iliq; 25-fevral kechasi −2...+3 daraja, kunduzi +5...+10 daraja iliq bo‘ladi.
O‘zbekistonning tog‘li hududlarida havo o‘zgarib turadi, 22—24-fevral kunlari yog‘ingarchiliklar bo‘lmaydi. 25-fevral kuni ayrim hududlarda biroz yog‘ingarchilik (yomg‘ir, qor) bo‘lishi mumkin. Ayrim joylarga tuman tushish ehtimoli bor. Sharqiy shamol soniyasiga 7—12 metr tezlikda esadi. Harorat 22-fevral kuni kechasi −17...−12 daraja sovuq, kunduzi −8...−3 daraja sovuq, 23—25-fevral kunlari kechasi −5...0 daraja sovuq, kunduzi +2...+7 daraja iliq bo‘ladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)