Savdo-sanoat palatasi Xitoyning Jumore E-Commerce kompaniyasi bilan o‘zaro anglashinuv memorandumini imzoladi

O‘zbekiston Savdo-sanoat palatasi va Xitoyning Jumore E-Commerce kompaniyasi o‘rtasida o‘zaro anglashinuv memorandumi imzolandi. Bu haqda “Daryo”ga palata mutasaddilari ma’lum qildi. 

Mazkur kompaniya onlayn tartibda http://eng.jumore.com/uzbekistan_en.shtml elektron manzilida O‘zbekistonning milliy pavilyonini ishga tushirdi. Undagi ma’lumotlar doimiy tarzda yangilanib boriladi. 

Resursning foydali tomoni shundaki, palata a’zolari Xitoy kompaniyasi elektron maydoniga o‘z mahsulotlarini qo‘yishi va savdo qilishi mumkin. 

Elektron maydon neft-kimyo, qishloq xo‘jaligi, oziq-ovqat mahsulotlari, sanoat, mashinasozlik, kimyo, po‘lat ishlab chiqarish, mineral resurslar, metallar, ko‘mir va iste’mol tovarlari kabi tarmoqlarni o‘z ichiga olgan. 

Bu haqdagi to‘liq ma’lumot uchun O‘zbekiston Savdo-sanoat palatasiga murojaat etish yoki www.jumoreglobal.com sayti bilan tanishish tavsiya etiladi.