Ўзбекистонда ҳафтанинг иккинчи ярмидан ҳаво ҳароратининг кўтарилиши кутилмоқда, дея хабар бермоқда «Газета.uz». «Ўзгидромет» маркази маълумотларига кўра, 22 февраль, чоршанбадан 23 февраль, пайшанбага ўтар кечаси қатор ҳудудларда кечки ҳарорат нол даражага етади ёки ундан кўтарилади.
Дам олиш кунлари мамлакат бўйлаб нисбатан иссиқ ҳаво бўлиши кутилмоқда. Кундузги энг юқори ҳарорат Фарғона водийси ҳудудларида (+5...+10 даражагача) ва мамлакатнинг жанубий вилоятларида (+10...+15 даражагача) кузатилади.
22—25 февраль кунлари Қорақалпоғистон Республикаси ва Хоразм вилояти ҳудудида ҳаво ўзгариб туради, ёғингарчиликлар бўлмайди. Айрим жойларга туман тушиши мумкин. Шамол шарқдан сониясига 7—12 метр тезликда эсади. Ҳарорат кечаси 22 февралда −8...−3 даража совуқ, 23—25 февралда −3...+2 даража, кундузи +7...+12 даража илиқ бўлади.
Бухоро ва Навоий вилоятларида ҳаво ўзгариб туради, 22—24 февраль кунлари ёғингарчиликлар кутилмайди. 25 февралда айрим туманларда бироз ёмғир ёғиши мумкин. Айрим жойларга туман тушиши эҳтимоли бор. Шарқий шамол йўналишини ғарбга ўзгартирган ҳолда сониясига 7—12 метр тезликда эсади. Ҳарорат 22 февраль кечаси −10...−5 даража совуқ, кундузи 0...+5 даража, 23—25 февраль кунлари кечаси 0...+5 даража, кундузи 23—24 февралда +10...+15 даража, 25 февралда +7...+12 даража илиқ бўлади.
Тошкент, Самарқанд, Жиззах ва Сирдарё вилоятларида ҳаво ўзгариб туради, 22—24 февраль кунлари ёғингарчиликлар бўлмайди. 25 февраль куни айрим ҳудудларда бироз ёмғир ёғиши мумкин. Жойларга туман тушиш эҳтимоли бор. Шарқий шамол йўналишини ғарбга ўзгартирган ҳолда сониясига 7—12 метр тезликда эсади. Ҳарорат 22 февраль куни кечаси −12...−7 даража совуқ, кундузи −5...0 даража совуқ, айрим жойларда +2...+4 даража илиқ; 23—24 февраль кунлари кечаси −7...−2 даража совуқ, кундузи +7...+12 даража, айрим жойларда +13...+15 даража илиқ; 25 февраль кечаси 0...+5 даража, кундузи +7...+12 даража илиқ бўлади.
Қашқадарё ва Сурхондарё вилоятларида ҳаво ўзгариб туради, 22—24 февраль кунлари ёғингарчиликлар бўлмайди. 25 февраль куни айрим ҳудудларда бироз ёмғир ёғиши мумкин. Жойларга туман тушиш эҳтимоли бор. Шарқий шамол йўналишини ғарбга ўзгартирган ҳолда сониясига 7—12 метр тезликда эсади. Ҳарорат 22 февраль куни кечаси −10...−5 даража совуқ, кундузи 0...+5 даража илиқ, 23—25 февраль кунлари кечаси 0...+5 даража, кундузи +10...+15 даража илиқ бўлади.
Андижон, Наманган ва Фарғона вилоятларида ҳаво ўзгариб туради, ёғингарчиликлар бўлмайди. Айрим жойларга туман тушиш эҳтимоли бор. Шарқий шамол сониясига 7—12 метр тезликда эсади. Ҳарорат 22 февраль куни кечаси −10...−5 даража совуқ, кундузи 0...+5 даража илиқ, 23—24 февраль кунлари кечаси −7...−2 даража совуқ, кундузи +3...+8 даража илиқ; 25 февраль кечаси −2...+3 даража, кундузи +5...+10 даража илиқ бўлади.
Ўзбекистоннинг тоғли ҳудудларида ҳаво ўзгариб туради, 22—24 февраль кунлари ёғингарчиликлар бўлмайди. 25 февраль куни айрим ҳудудларда бироз ёғингарчилик (ёмғир, қор) бўлиши мумкин. Айрим жойларга туман тушиш эҳтимоли бор. Шарқий шамол сониясига 7—12 метр тезликда эсади. Ҳарорат 22 февраль куни кечаси −17...−12 даража совуқ, кундузи −8...−3 даража совуқ, 23—25 февраль кунлари кечаси −5...0 даража совуқ, кундузи +2...+7 даража илиқ бўлади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)