Uchinchi muddatga Turkmaniston prezidenti etib saylangan Gurbanguli Berdimuhamedov hukumatning birinchi majlisida mamlakatning yaqin 7 yilga mo‘ljallangan Tashqi siyosat konsepsiyasini tasdiqladi. Bu haqda “RIA Novosti” xabar bermoqda.
Berdimuhamedov 2017—2023-yillarda Turkmaniston tashqi siyosatining diqqat markazida bo‘ladigan asosiy yo‘nalishlarini o‘z ichiga olgan 17 bandni sanab o‘tdi.
Turkmaniston tashqi siyosati konsepsiyasining birinchi bandlari xalqaro tashkilotlar — BMT, YXHT, IHT, Qo‘shilmaslik harakati, MDH, shuningdek, qo‘shni davlatlar bilan hamkorlikni rivojlantirishga bag‘ishlangan.
Mamlakatning strategik sheriklari qatorida Rossiya va Xitoy keltirib o‘tilgan. Shuningdek, Yevropa va AQSh bilan samarali aloqalarni davom ettirishga ham e’tibor qaratilgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)