Jahon boks seriyasi (WSB)ning VII mavsum “С” guruhi 2-turi doirasida Qozog‘istonning Astana Arlans jamoasi o‘z uyida O‘zbekiston bokschilaridan tashkil topgan Uzbek Tigers jamoasiga qarshi bahs olib bormoqda.
Navbatdagi bellashuv -60 kilogramm vazndagi bokschilar o‘rtasida o‘tkazildi. Unda Rio–2016 bronza medali sohibi Murodjon Ahmadaliyev Astana Arlans vakili Zokir Safiullinga qarshi bellashdi va kutilmaganda 0:3 hisobida yutqazib qo‘ydi.
Avvalroq Abrorjon Qodirov raqibi Oljas Sattibayevga imkoniyatni boy bergani haqida xabar qilingandi. Astana Arlans hisobni 2:0 ko‘rinishiga olib keldi. Navbatdagi janglar quyidagi ko‘rinishni olgan:
-69 kilogramm: Aslanbek Shimbergenov — Shahram G‘iyosov;
-81 kilogramm: Nurdaulet Jarmanov — Bektemir Meliqo‘ziyev;
+91 kilogramm: Kamshibek Kunkabayev — Bahodir Jalolov.
Eslatib o‘tamiz, Uzbek Tigers WSB’ning 2017-yilgi mavsumini China Dragons’ga uchralgan mag‘lubiyat bilan boshlagan edi. O‘zbekistonlik bokschilar navbatdagi – 3-turni 4-mart kuni Toshkentda, Rossiyaning Patriot Boxing Team bokschilariga qarshi bahs olib boradi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)