Aprelda Rossiyaga safar qiladigan Shavkat Mirziyoyev, “Lukoyl”ning O‘zbekistondagi eng arzon benzini narxi, Parijda hech narsa qilolmagan “Barselona” va kunning boshqa muhim xabarlari

15-fevralning e’tiborga molik yangiliklari — “Daryo”ning kechki dayjestida.

1. Shavkat Mirziyoyev aprelda Rossiya Federatsiyasiga davlat tashrifini amalga oshiradi. Bu haqda Toshkentda bo‘lib o‘tgan O‘zbekiston—Rossiya iqtisodiy hamkorlik bo‘yicha hukumatlararo komissiya 18-yig‘ilishida ma’lum qilindi.

2. “Bankda naqd pul bo‘lmasa, bankomatdan nima naf?”. “Xolis tadqiqotchi” O‘zbekistondagi naqd pul muammosi sabablari va uni bartaraf etish yo‘llarini sanadi.

3. “Lukoyl”ning O‘zbekiston hududida sotiladigan eng arzon benzini 3000 so‘mdan boshlanadi. “Lukoyl”ga qarashli birinchi AYoQSh Toshkentning Yashnobod tumanidagi Temur Malik ko‘chasida ochilish arafasida turibdi.

4. Bir vaqtning o‘zida 104 ta yo‘ldoshni koinotga olib chiqqan Hindistonning Polar tashuvchi raketasi rekord o‘rnatdi. Avvalgi rekord Rossiyaga tegishli edi — 2014-yilda raketa o‘zi bilan 39 ta yo‘ldoshni koinotga olib chiqqan.

5. “PSJ” — “Barselona” 4:0. Maydonda o‘zi nimalar ro‘y berdi? Bu kechagi kun sensatsiyasi. Bugun esa ikkita bir-biridan qiziq o‘yin bor: “Real Madrid” — “Napoli” va “Bavariya” — “Arsenal”.

“Daryo”ning Telegram’dagi rasmiy kanali — @toshqindaryo’ga a’zo bo‘ling!