Hindiston politsiyasi Nobel mukofoti sohibining uyini o‘marib ketgan o‘g‘rilarni topdi

Hindiston politsiyasi Tinchlik yo‘nalishi bo‘yicha Nobel mukofoti sohibi Kaylash Satyarthi xonadonidan qimmatbaho buyumlar va nufuzli mukofot sertifikatini o‘g‘irlashda gumon qilingan uch kishini qo‘lga oldi. Bu haqda “RIA Novosti” xabar bermoqda.

Mazkur ishni ochishga politsiya bir haftadan kamroq vaqt sarfladi. O‘g‘rilar 7-fevral, dushanbaga o‘tar kechasi, Satyarthi Lotin Amerikasida safarda bo‘lgan vaqti uning xonaodonini o‘marib ketgan. Ular, bundan tashqari, yana ikki xonadonga o‘g‘rilikka tushgani ham aniqlandi.

Politsiya vakili Romil Ba’niyaga ko‘ra, o‘g‘irlangan qimmatbaho buyumlar, sertifikat va medal nusxasi (asl Nobel medalini Satyarti Prezident saroyi muzeyiga topshirgan) topildi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.