Ҳиндистон полицияси Тинчлик йўналиши бўйича Нобель мукофоти соҳиби Кайлаш Сатяртҳи хонадонидан қимматбаҳо буюмлар ва нуфузли мукофот сертификатини ўғирлашда гумон қилинган уч кишини қўлга олди. Бу ҳақда «РИА Новости» хабар бермоқда.
Мазкур ишни очишга полиция бир ҳафтадан камроқ вақт сарфлади. Ўғрилар 7 февраль, душанбага ўтар кечаси, Сатяртҳи Лотин Америкасида сафарда бўлган вақти унинг хонаодонини ўмариб кетган. Улар, бундан ташқари, яна икки хонадонга ўғриликка тушгани ҳам аниқланди.
Полиция вакили Ромил Баънияга кўра, ўғирланган қимматбаҳо буюмлар, сертификат ва медаль нусхаси (асл Нобель медалини Сатярти Президент саройи музейига топширган) топилди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)