AQSh Ruminiyadagi harbiy baza ta’miri uchun 20 mln dollar sarflaydi

AQSh ma’muriyati Ruminiyadagi Deveselu harbiy bazasining kapital ta’miri uchun 20 million dollar sarflaydi. Bu haqda “Gazeta.ru” xabar bermoqda.

AQShning davlat xaridlari uchun mo‘ljallangan maxsus saytida harbiy bazani ta’mirlash bo‘yicha tender e’lon qilingan.

Harbiy bazadagi ko‘chmas mulkni foydalanishga yaroqli holga keltirish uchun to‘laqonli qurilish-ta’mirlash ishlarini amalga oshirish zarurligi aytilmoqda.

Xususan, bazadagi binolarni rekonstruksiya qilish, yangi tomlar yopish, ichki pardozlash ishlarini amalga oshirish, oynalar va elektr ta’minoti tizimini almashtirish, santexnika ishlarini bajarish kerak.

Qayd etishlaricha, Deveselu bazasidagi ta’mirlash ishlari 2021-yilga qadar davom etadi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.