Tennis bo‘yicha “Katta dubulg‘a” turkumiga kiruvchi Avstraliya ochiq chempionatining erkaklar o‘rtasidagi yakkalik finalida ispaniyalik Rafayel Nadal shveysariyalik Rojer Federerga qarshi kortga tushadigan bo‘ldi.
Ma’lumot uchun, “Katta dubulg‘a” finallarida Nadal va Federer hozirga qadar o‘zaro 8 bor to‘qnash kelgan. Shularning 6 tasida Nadalning qo‘li baland kelgan, yana ikki bellashuvda Federer raqibini mag‘lub etgan. Tennischilar so‘nggi bor “Rolan Garos—2011” finalida o‘zaro kurash olib borgandi.
Qayd etish kerak, Avstraliya ochiq chempionatining ayollar o‘rtasidagi yakkalik bellashuvlari finalida amerikalik opa-singil Uilyamslar o‘zaro kurash olib boradi. Qiziq tomoni, ular ham “Katta dubulg‘a” finallarida hozirga qadar sakkiz bor uchrashgan. Singil Serena shularning 6 tasida muvaffaqiyat qozongan va opasi Vinusga ikki bor imkoniyatni boy bergan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)