Pixar studiyasi “O‘yinchoqlar tarixi” multfilmining Facebook’dagi rasmiy sahifasida studiyaning barcha multfilmlari bir-biriga bog‘liq ekanini ko‘rsatuvchi videoni e’lon qildi.
Qariyb uch daqiqa davom etadigan rolikda bitta multfilmning qahramoni boshqa bir filmda ikkinchi darajali qahramon, o‘yinchoq, rasm yoki devordagi tasvir sifatida paydo bo‘ladigan lahzalari yig‘ilgan.
Pixar studiyasining barcha multfilmlari bir-biri bilan o‘zaro bo‘glanganligi haqidagi nazariya ilk bor 2013-yili bloger Jon Negroni tomonidan ilgari surilgan edi.
Uning fikricha, “Sheryurak”dan “Maxluqlar korporatsiyasi”gacha bo‘lgan barcha multfilmlar bitta hikoyaga bog‘langan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)