Nozim Husanov Toshkent hokimining iqtisodiyot va tadbirkorlik masalalari bo‘yicha birinchi o‘rinbosari etib tayinlandi, deya xabar bermoqda “Gazeta.uz”.
Viloyatlar, shaharlar va tumanlar hokimiyatlari tuzilmasidagi mazkur yangi lavozim O‘zbekiston Prezidentining 22-dekabrdagi farmoni bilan joriy etilgan.
Nozim Husanov (1976-yil tug‘ilgan) 2016-yilning bahoridan Toshkent shahar hokimining iqtisodiy va ijtimoiy rivojlantirish, xizmatlar sohasi va tadbirkorlik masalalari bo‘yicha o‘rinbosari lavozimida faoliyat ko‘rsatib kelayotgan edi.
U 2014—2016-yillarda “Mikrokreditbank” ochiq aksiyadorlik-tijorat banki boshqaruvi raisi, 2013—2014-yillarda Tashqi iqtisodiy faoliyat Milliy banki boshqaruvi raisining birinchi o‘rinbosari, 2010—2011-yillarda Markaziy bank Toshkent viloyati bosh boshqarmasi boshlig‘i lavozimlarida faoliyat olib borgan.
Nozim Husanov Toshkent avtomobil-yo‘llar instituti (1997) va Toshkent moliya instituti (sirtqi bo‘lim, 2002) bitiruvchisidir.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)