“Navoiy” erkin iqtisodiy zonasi faoliyat ko‘rsatayotgan Telecom Innovations O‘zbekiston — Singapur — Xitoy qo‘shma korxonasida raqamli televideniye signallarini qabul qilish uskunasi, ADSL modemlar, DSLAM qurilmalari ishlab chiqarilmoqda. Bu haqda O‘zA xabar berdi.
Xitoyning ZTE kompaniyasi yangi loyihalari va to‘g‘ridan-to‘g‘ri investitsiyasi evaziga qo‘shma korxonada raqamli signallarni qabul qilish qurilmasining yangi turi IPTV hamda modemlarning Home gateway seriyali yangi turlarini ishlab chiqarish yo‘lga qo‘yildi.
Mutaxassislar malakasini oshirish, yangi mahsulotlar turini o‘zlashtirish va ishlab chiqarishda sifat ko‘rsatkichlarini yanada yaxshilash maqsadida Xitoyning ZTE universitetida malaka oshirish kurslari yo‘lga qo‘yilgan.
Korxonada amalga oshirilgan modernizatsiya ishlari tufayli qurilmalar turi 5 tadan 15 taga yetkazildi. 2016-yilda 36 mingdan oshiq mahsulot tayyorlanib, ichki bozorga yetkazib berildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)