O‘zbekiston davlat san’at muzeyida “Quyoshli zamin: Isroildan O‘zbekistonga” deb nomlangan ko‘rgazma ochildi. Bu haqda O‘zA xabar bermoqda.
Isroillik ijodkorlar “Sharq taronalari” xalqaro musiqa festivalida, tasviriy san’at haftaliklari, biyennalelarda muntazam ishtirok etib kelmoqda. O‘zbekiston rassom va haykaltaroshlari, xalq amaliy san’ati ustalari, fotomusavvirlarning ijod namunalari Isroilda o‘tkaziladigan ko‘rgazmalarda muvaffaqiyat qozonmoqda.
Ko‘rgazmadan Isroil rassomlar uyushmasi a’zolari Aleksandr Postel, Iosif Kapelyan, German Nepomnyashiy, Grigoriy Firer, Andrian Judrening o‘ttizdan ziyod asari o‘rin olgan. “Quddus”, “Dovud minorasi”, “Al-Aqso masjidi” kabi asarlar Isroil tarixi, madaniy qadriyatlari, xushmanzara tabiati haqida hikoya qiladi.
San’at xalqlar o‘rtasidagi birdamlikni, madaniy aloqalarni rivojlantirishning asosiy omilidir. Bugungi kunda O‘zbekiston bilan Isroil o‘rtasidagi o‘zaro hamkorlik ko‘plab yo‘nalishlarda, jumladan, madaniyat sohasida ham izchil rivojlanib borayotgani bizni g‘oyat quvontiradi. Ko‘rgazmada namoyish etilgan Isroil rassomlari asarlari O‘zbekiston davlat san’at muzeyiga sovg‘a sifatida topshiriladi.Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.Karmela Shamir, Isroilning O‘zbekistondagi favqulodda va muxtor elchisi
Izoh (0)