Avstraliyalik aktyor mahalliy Bliss n Eso xip-xop guruhining klipini suratga olish jarayonida halok bo‘ldi. TJournal’ning yozishicha, klipda bardagi otishma sahnasi bor edi.
Mahalliy politsiya bo‘linmasidan ma’lum qilishlaricha, jarohatlanish ehtimoli mavjud bo‘lgan sahnalarni suratga olish jarayonida guruh xonandalarining o‘zi ishtirok etmagan, bu sahnalar alohida suratga olingan.
Klip uchun bardagi qurolli otishma sahnasini suratga olish ko‘zda tutilgan edi. Tasvirga olish vaqtida aktyorlardan biri o‘qotar qurolning otishidan so‘ng ko‘kragidan yaralanib, vafot etgan.
Hozirgi vaqtda politsiya qurol jangovar patron bilan o‘qlanganmidi yoki yaqin masofadan otganda ham jarohat yetkazishi mumkin bo‘lgan bo‘sh patron bilan o‘qlanganmidi — shuni aniqlash ustida ishlamoqda.
Huquqni muhofaza qilish organlaridan ma’lum qilishlaricha, aktyorning o‘limi “ishlab chiqarish jarayonidagi jarohat” hisoblanadi. Tasvirga olish guruhi hodisa yuzasidan olib borilayotgan tergov harakatlarida politsiya bilan hamkorlik qilmoqda.
Qotillik yuz bergan Brooklyn Standard bari egalarining ta’kidlashicha, inshoot butun bir kun uchun ijaraga berilgan bo‘lib, tasvirga olish ishlarida bar xodimlaridan hech biri qatnashmagan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)