Мудофаа қобилияти ва ташқи сиёсат масалалари Қозоғистон президенти ваколати доирасида қолади. Бу ҳақда давлат раҳбари Нурсултон Назарбоев республикада ваколатларни ҳокимият тармоқлари ўртасида тақсимлаш бўйича Ишчи гуруҳ мажлисида маълум қилди, деб ёзади «ТАСС».
«Мен таклиф қилган бешта институционал ислоҳотлардан бирининг амалга оширилиши ҳукуматга иқтисодиёт соҳасида қўшимча ижроия ваколатларини беришни кўзда тутади, — деди у. — Шу билан бирга, президент ваколати доирасида мудофаа қобилияти, ташқи сиёсат, давлат бошқаруви, Конституция ҳимояси ва давлат ҳокимияти тармоқларининг самарали фаолиятини таъминлашнинг асосий масалалари қолади».
Назарбоев Қозоғистон президентига дастлаб берилган ваколатлар сони камайишини маълум қилди. «Масалан, дастурларни тасдиқлаш, ҳукуматдаги кадрлар алмашинуви, янги бошқарув органларини ташкил этиш масалалари ҳукумат ва парламентга топширилиши мумкин», — деди у.
Изоҳ (0)