Instagram’da fashion-bloger sifatida mashhur bo‘lgan sidneylik ikki yoshli qizaloq Nyu-Yorkda bo‘ladigan modalar haftaligida ishtirok etadi, deb Daily Mail xabar bermoqda.
Ijtimoiy tarmoq foydalanuvchilariga Milli-Belle Daymond nomi bilan tanish bo‘lgan qizaloq, modalar haftaligida Little Miss Aoki bolalar kiyimlari brendi mahsulotlarini namoyish qiladi.
Onasi Shay Foksning so‘zlariga ko‘ra, jamoatchilik e’tiborida bo‘lishni xush ko‘radigan ikki yoshli qizcha bunday tadbirda ishtirok etishidan bag‘oyatda xursand.
Qizaloqning Instagram’dagi sahifasini 136 ming foydalanuvchi kuzatib boradi. Onasi sahifani Milli-Bellening lyuks toifadagi brend kiyimlari va aksessuarlari (ko‘p hollarda Louis Vuitton sumkachalari) bilan tushgan suratlari bilan to‘ldiradi.
Nyu-Yorkdagi modalar haftaligi 9—16-fevral kunlari bo‘lib o‘tadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)