Kembrij universitetining pedagogika fakulteti lego-professor izlamoqda. Bu ish o‘rni uchun izlanayotgan nomzod nafaqat legodan yaxshi raketalar yasay olishi, balki o‘yinlar sohasida o‘z izlanishlariga ega bo‘lishi, shuningdek yetakchilik sifatlariga ega bo‘lishi lozim, deb xabar beradi Meduza.
Bo‘lajak o‘qituvchi Ta’lim, rivojlanish va o‘qitish sohasida o‘yinlarni o‘rganish markazida ishlaydi. Bu markaz Lego jamg‘armasi tomonidan universitetning pedagogika fakulteti asosida tashkil etilgan. Markaz o‘yinlarning ta’limdagi ahamiyatini, shuningdek o‘yinli yondashuvlarning o‘z-o‘zini nazorat qilish, bolalarda jamoaviy ishlash va fikrlashni rivojlantirishga ta’sirini o‘rganadi.
Tadqiqotchiga “raqobatbardosh” ish haqi va’da qilingan, shuningdek u Kembrij universiteti o‘qituvchilariga berilgan barcha imtiyozlardan foydalana oladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)